يا جماعة… هو إيه اللي فيكتور أوسيمين عمله ده؟
اللي أوسيمين عمله في كأس أمم أفريقيا حاجة عمرنا ما شفناها من مهاجم في تاريخ الكورة!
الراجل شكله مقتنع إنّه نجم المنتخب النيجيري الأوحد،
وإن مفيش غيره موجود في الملعب أصلاً،
وحاسس كمان إن البطولة كلها معمولة علشانه هو!
كل مرة يتبدل يطلع متعصب ويقعد يشتكي،
مع إن الجمهور النيجيري بيحبه جدًا
ودايماً واقفين في ضهره وبيبرروله.
بس اللي حصل في دور الـ16 ده بصراحة مالوش أي مبرر.
الماتش ده أوسيمين سجل جول،
وبعدها على طول دخل في خناقة مع لوكمان قدام الكاميرات كلها،
بس علشان اتقمص إن لوكمان مباصّلهوش!
مع إن لوكمان أصلاً هو أكتر واحد بيصنعله أهداف في المنتخب.
وبعد كده أوسيمين قرر لوحده قرار غريب جدًا…
وقف في الملعب وبطل يلعب!
لا بيهاجم، ولا بيدافع.
الفريق كله بيهاجم،
وأوسيمين ماشي ورا المدافعين على مهله كده ولا كأن في ماتش.
فالمدرب من غير أي تردد قام مبدله فورًا.
وهنا بقى الصدمة…
أوسيمين يطلع بعدها ويقرر من دماغه
إنه يسيب المنتخب،
ويرجع تركيا،
ويعتزل اللعب دوليًا!
