ليه ناس كتير جدًا مقتنعة إن إبراهيم دياز ضيّع ضربة الجزاء دي بقصد؟
وهل الكلام ده حقيقي ولا مجرد نظرية مؤامرة؟
في نهائي البطولة بين السنغال والمغرب،
وفي الدقيقة 95 بالظبط…
المغرب أخدت ضربة جزاء،
والدنيا كلها اتقلبت.
مدرب السنغال كان بيقول للاعيبة: اطلعوا بره، الماتش يخلص كده.
لكن ساديو مانيه رجّع اللعيبة تاني وقال نكمّل ونلعب.
وهنا إبراهيم دياز قرر هو اللي ينفذ ضربة الجزاء،
خصوصًا إنه كان نجم البطولة كلها.
ضربة جزاء ممكن تشيل حلم شعب كامل،
حلم بطولة المغرب مستنياه من أكتر من 50 سنة.
كل حاجة كانت واقفة على الكرة دي…
وعلى إبراهيم دياز.
لكن اللي حصل بعدها كان صدمة.
دياز نفّذ ضربة الجزاء بطريقة غريبة جدًا،
خلّت أي حد يشك إنه ممكن يكون قاصد يضيّعها.
لعبها بانينكا بكل بساطة…
والكرة راحت في إيد ميندي.
الأغرب بقى؟
إن أي لاعب مكانه كان ممكن ينهار أو يبان عليه التأثر،
لكن دياز لف وكمل لعب عادي جدًا
ولا كأن حاجة حصلت.
حتى رد فعل لاعيبة السنغال والحارس
كانت هادية بشكل مش طبيعي.
وكمان دياز سدد بالرجِل اليمين،
رغم إن رجله الشمال هي الأساسية والأقوى عنده.
بعد الماتش على طول،
الكومنتات كلها على حساب دياز بتتهمه
إنه ضيّع ضربة الجزاء متعمد.
السؤال بقى ليك:
إنت شايف إن إبراهيم دياز كان قاصد يضيّعها فعلاً؟
ولا كل ده مجرد صدفة؟
